بعد عرض فيلم الإنس والجن سئلوا عادل إمام ليه قبلت دور الجن دا مع العلم أنك مش طالع كوميدي ومش طالع في مشاهد كتير في الفيلم قال عادل إمام” لا دا أنا طالع كتير جدا في الفيلم عدم وجودي كان وجود في حد ذاته” (عادل إمام بالرغم من نجوميته وأنه نجم الشباك الأول بدون
منافس في التمنينات وافق علي فيلم مشاهده فيه قليلة بالنسبة ليسرا اللي عدد مشاهدها في الفيلم كان ضعف عدد مشاهده لمجرد أن الدور مختلف وحس أنه حيعمل دور حلو مااهتمش بمساحة الدور علي قد ما أهتم بجودة الدور ودا بيدل علي ثقة عادل إمام في نفسه فيه ممثلين وممثلات دلوقتي بيشيلوا مشاهد زمايلهم أو بيهمشوا دورهم وبيزودوا عدد مشاهدهم علشان خاطر يرضوا غرورهم وان اسمهم يبقي الأسم الأول وبيقيسوا نجوميتهم بحجم الدور بدون النظر علي تأثير دا علي جودة العمل الفني علشان كدا لغاية دلوقتى الناس بتتفرج علي أفلام عادل إمام ونور الشريف ومحمود عبد العزيز وأحمد زكي وعمر الشريف وشكري سرحان وفريد شوقي وغيرهم ومعظم الأعمال اللي موجودة دلوقتي اللي حيتفرج عليها مرة مش حيتفرج عليها تاني وحتنتهي بمجرد مازمنها ينتهي )
