اخبار العالم العربي

ماذا تعرف عن قصر (العيني) وليس القصر العيني

هى أول مدرسة طب في مصر والشرق الأوسط، كان موضوعها قصر ينسب لصاحبه و منشئه الأمير “شهاب الدين احمد العيني” اللي كان بيحلم ببناء قصر يتباهى بيه قدام أمراء المماليك و ده كان سنة 1466 م في عهد السلطان #خوشقدم الجركسي اللي عجبه القصر جدا و اشاد بيه ..

و بعد كدا خلال فترة حكم السلطان #قايتباي حصلت مشاكل بينه و بين شهاب الدين العيني صاحب القصر و فرض عليه ضرايب كتير فاضطر انه يسيب مصر عشان يموت في المدينة و يدفن في البقيع ..

القصر اهمل فترة كبيرة لحد دخول #الحملة_الفرنسية اللي حولته في البداية لمعسكر للجيش ثم مستشفى عسكري و لما مات #كليبر اتدفن قي حديقته المطلة على النيل و بعد كدا اتنقل جسمانه لفرنسا ..

خلال فترات كتير كان القصر عبارة عن مدرسة حربية ثم سجن للأمراء اللي على خلاف مع السلطنة في مصر سواء في العصر المملوكي أو خلال تبعية مصر للعصر العثماني ،، مش بس كدا ده في بعض الولاة كانوا بيحولوه لمتنزه و ده عشان موقعه المميز على النيل ..

و لما محمد علي حكم مصر و ابتدا يهتم بالتعليم و بعد رجوع البعثات من فرنسا و اوروبا قرر ينشئ مدرسة طب و كان مكانها في ابو زعبل لحد ما ابتدت حروب محمد علي في الشام فقرر ينقل المدرسة للقصر عشان يكون أول مدرسة طب في مصر و الشرق الأوسط و اتخرجت منه اول دفعة سنة 1832 م من هنا اتغير مسار القصر تماماً لحد ما في سنة 1980 م اتهدم مبنى القصر القديم و اعيد بنائه و بعد كدا أصبح تابع لجامعة القاهرة ..

رغم كل التغيرات اللي مرت على القصر و رغم هدمه و تغيير استخدامه أكتر من مرة إلا إنه فضل محتفظ باسمه و اسم صاحبه لحد النهارده #قصر_العيني …

#المؤرخون_المصريون
#Egyptian_Historians

مقالات ذات صلة

اترك تعليقاً

لن يتم نشر عنوان بريدك الإلكتروني.

5 − أربعة =

إغلاق