الفنان “حسن كامي” كان بيصور مسلسل (ناس وناس) و كان عامل شخصية (عزيز بك ) وكان دايما يطلع

الفنان “حسن كامي” كان بيصور مسلسل (ناس وناس) و كان عامل شخصية (عزيز بك ) وكان دايما يطلع
بيتكلم عن السيجار والكافيار و”السيمون فوميه”
في برنامج كانوا عاملينه ومستضيفين فيه أبطال المسلسل

فأحمد راتب قال :
العمال اللي شغالين في استديو التصوير سألوا حسن كامي : يعني ايه “سيمون فوميه يا بيه”؟!
فقال لهم : هقولكم بكره

وجه الفنان الجميل تاني يوم ومعاه 180 ساندوتش “سيمون فوميه” كبير … وكل الناس في مكان التصوير من أول أبطال العمل لعامل البوفيه أكلوا “سيمون فوميه”

فالمذيعة ضحكت وقالت له : كل الساندوتشات دي … طيب ما كنت اشرحلهم وخلاص فرد عليها رد جميل جدا قالها : ” فيه حاجات متتقالش بالكلام ، لازم بالفعل .. لو شرحتلهم هينسوا ، لازم يدوقوه عشان يعرفوا هو إيه ”

الفنان حسن كامي كان راجل طيب وراقي وابن بلد ،،، كان باشا لكنه كان بسيط مع الناس مش تنك ومغرور ومتعالي …. تواضعه هو اللي خلى كل الناس اللي عرفته تحبه وتدعيله … فرحمة الله عليه ⁦❤️⁩