اقلام حرة

الشيف السوري ابو راتب ،،عمر،، يوضح موقفه من التبرعات

همسة نت.

توضيح هام:
مو مشكلتي اذا في منظمات وجمعيات فيها شوكة ونغزتها لما سمعت ستورياتي.. انا قصدي كان كتير واضح لكل انسان عنده لو شوية وعي..
كلامي كتير واضح مين كان قصدي بالستوري ماضل حدا مابعتلي تبرع لحملة أبو فلان ليش ماتبرعت عيب ماتتبرع.. (للناس اللي بتصطاد بالمي العكرة مابقصد التشكيك بالشخص نفسه بيجوز هو تم استغلاله والله وحده العليم وهو اللي بيحاسبنا)
انا انسان بحب وصل بإيدي وكل شهر مخصص جزء من الأرباح من سنة ونص ولهلأ وبوزعها بإيدي وعن طريق أهلي لناس بتستحقها سواء” بالمخيمات او بكل المحافظات السورية..وبننشر كل شهر شو عملنا بهالمساعدات على الستوري او بفيديو للمصداقية ولحتى باقي الناس تتشجع(ٱلَّذِينَ يُنفِقُونَ أَمْوَٰلَهُم بِٱلَّيْلِ وَٱلنَّهَارِ سِرًّا وَعَلَانِيَةً فَلَهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ) ..بقى اذا انت مو متابعني وبس بتفوت لتهاجم هي مشكلتك ..ومالي عم لم تبرعات من حدا وأدفع من جيوبكم بقى ليش روح لف هاللفة وأعطيهم لمين ماكان وأنا مابعرف وين رح يروحوا ولا في شي موثق؟؟؟؟؟ مافهمت الفكرة.. اذا انت قادر توصل بإيدك ليش تروح تعطي منظمات توصل اللي لو كانت فعلا” عم توصل هالمساعدات اللي عم تشحدهم علينا من 12 سنة ولهلأ كان ماشفنا حدا ضل عايش بخيمة؟؟؟ ملايين المليارات كل هالسنين ماكانت عمرت بيوت لهالعالم؟؟؟ ليش بدكم غمض عيوني ونيم ضميري لترضوا؟؟
أنا انسان حر وماحدا اله عندي وين بتبرع ولمين وكيف بوصل.. لما ببقى باخد من مالكم وقتها الكم حق تحاسبوني وهاد الشي اللي أصلا” ماعم تعملوه مع اللي فعلا” عم ياخد من مالكم…

مقالات ذات صلة

اترك تعليقاً

لن يتم نشر عنوان بريدك الإلكتروني.

اثنان × ثلاثة =

إغلاق