*درر الشعر*
لوحة شعرية تميزت بروعة التصوير وقوة التعبير رسمها شعرا وجسدها مشاعرا وطوع مفرداتها بتمكن وتميز الزميل الشاعر القدير سعد بن زمانان – معد ومقدم برنامج ديوانية الشعراء بتلفزيون الكويت- وأهداها -مشكورا- إلى أعضاء (نخبة الشموخ
بعض البشر ماودّك إنه يخاويك
ولا تكوّن معه أيا صداقه
لك منهجٍ سامي وكلن مدَح فيك
عز وكرم وأخلاق طيب ولباقه
إتعب على اللي له صفاتٍ إتحاليك
نهجه لمنهاجك ونعم الرفاقه
وأبعد عن اللي للمشاكل يدهويك
يعالج إموره بطيش وحماقه
لاتقترب للي يعقد الشرابيك
الخير لامن خير وراعي طفاقه
والحر قالوا مايخاوي ترى الديك
من بينهم ماقد صارت علاقه
بالك تصافي واحدٍ مايصافيك
عَهده مع الأيام ينقض وثاقه
ميّز مابين أصحابك وعز مغليك
اللي على الطولة يزيد إشتياقه
وخل الصراحة منهجك من مباديك
والكذب حذرا لاتعيش إبنطاقه
والله ترى عن منّة الناس يغنيك
رزقك يجي لو هم سعوا في إغلاقة
*سعد بن زمانان*
