صباح الخير يا وجوه الخير .
بالكم هاي قصة المؤجل بسيطه ؟؟
في بلاد بسجلوا مؤخر مصاري .وفي ناس بسجلوا ذهب عثماني واشي رشادي .
واشي بسجل 50 ذهبه وفي عرايس بوصل مهرهن المؤجل 1000 ذهبه .
والسؤال هو : حسب شو هالتسجيل ؟
اللون ؟الجنس ؟العيله ؟الشهاده ؟الطول ؟
الوزن ؟ والا حسب كل بلد وعاداتها ؟
طيب مهو بنفس البلد كمان في تفاوت .
ومرات بتفرط الخطبه قبل العرس باسبوع على تسجيل المؤجل .والحل يا جماعه ؟
بالكم ؟؟ أحسن ” تجارة ” الالف ذهبه .
بفتحن احسن مشروع .مهو الطلاق قائم ان قلنا آه والا لأ .فليش ما يكون مع مصاري !
بس بتعرفوا ؟؟
صح مرات اللي عايف مرته ما بتهمه المصاري وقت الايجاب .بس والا مالها ؟
بصير يعد للألف قبل ما ينوي الطلاق .
وبجوز هالشغله تيجي لصالح الازواج .انهم يرجعوا لبعض ويتفقوا حتى ولو على مضض
بس احسن من بلااااااااش .
شو رايكم بالموضوع ؟بتعرفوا حدا فرطت خطبته بسبب المؤجل ؟
بتعرفوا حدا عدلوا عن الطلاق بسبب المؤجل ؟؟؟
