سلام الله عليكم .
ولكم يا ناس الحلال ما بطير مخي الا لما العروس تيجي تتفرج عالدار وتصير تتفلسف هي وإمها .
سدوا هذا الحيط .افتحوا هذاك الحيط .
البلاط مش عاجبني انا بدي تغيروه .
خزانة المطبخ لونها غامق واليوم دارج الفاتح .
بدي وبدي وبدي .
أي والله لو تصير معي والدار جاهزه وبدها تغير اشي إلا أجيبها بطلوزه .واذا ابني بده يفتح ثمه الا اجيبه بهونو لولو .
شو هي الدنيا سايبه ؟؟أي نعمه من الله اللي خطبت .ما هن دايرات بشمعه على عريس محترم وآدمي .
وكل واحد نذل وسقاطه وجبان برد على هالخراريف البايته .بدها تقبل بالموجود اهلا وسهلا والف مرحبا .واذا مش عاجبها الله وعلي معها .والبنات كثار .ليش مش طالع على موديلها ؟؟
اما اذا الدار بعدها عالحجر .هذاك موضوع ثاني .وما في ولا مشكله .
بعدين خلي اللي خلفها يمد باعه .والناس مش زعلانه .ويد الله مع الجماعه .
لأ .الناس بطلت تستحي ولا تذوق .
