خواطر

خواطر وفشة خلق مع ماريا ابو واصل ام خالد

imageصباح الخير للجميع
.في مثل بقول :
“حطوا النوريه بسبع قصور عن كارها ما غيرت ”
وبالفعل في ناس لو يتعلموا .ويطيروا فوق الريح من ناحيه ماديه .ولو تدينوا وصلوا وصاموا .إلا بألفاظهم وتعاملهم يرجعوا لنورنتهم .
بالكم وينتا بتعرفوا الناس على حقيقتهم ؟؟
بس اذا بصير بينكم وبينهم شوية سوء تفاهم .أما بالله وانتو راضيين الجهتين شو بده يبين
مثلا :بيجوا ناس عندكم ضيوف .شو يعني جايين يقاتلوا ؟بقعدوا مؤدبين وبتضيفوا وبخاطركم ومع السلامه .
بيجوا ناس يطلبوا بنتكم .شو يعني هم جايين يسبوا عليكم .طبعا بدهم يفرجوكم كل وجه حسن !! وبالطبيعه ثاني يوم بتقولوا :
مبين عليهم أوادم .
يا عمي بس الاحتكاك ولمده طويله بتقدروا تكتشفوا العالم .وحتى اذا ما صار نبشه ما بتعرفوهم على حقيقتهم .ان كان البخيل من الكريم والا الشراني من الآدمي .والا الهادي من العصبي .وهكذا دواليك فبلاش تنغروا بالناس وتصدروا احكام وتصيروا تتندموا .
لا يغركم متدين ولا ابن العيله ولا الغني ولا المظهر .خليها للأيام تكشف .

اظهر المزيد

مقالات ذات صلة

إغلاق