الحكاية بدأت لما كان فضيلة الشيخ «وليد مهساس» يؤم الناس في صلاة التراويح بعذوبة وخشوع
وفجأة
تحركت عند قدمه قطة صغيرة، ثم قفزت عليه تتسلق جسده لحد ما وصلت عند كتفه
وبالرغم من إن رد الفعل الانفعالي في الحالة دي هو الارتباك من تحرك جسم
غريب عند القدم، أو إبعاد القطة باليد عن الجسد، إلا إن فضيلة الشيخ وليد مهساس كان عنده ثبات انفعالي في التعامل مع القطة، لدرجة إنه ساعدها بإيده في تسلق جسده حتى لا تسقط على الأرض
اللي شاف الڤيديو وسمع قراءة الشيخ هيلاحظ إنه لم يتلعثم في القراءة ولم تتغير نبرة صوته
وكأن شيئا لم يباغته
مش كده وبس، ده كان أرفق بالقطة من أمها
التصرف ده كان سبب في انتشار الڤيديو في ثواني لدرجة إنه حرفيا غزا السوشيال ميديا في شتى أنحاء العالم
القطة في الجزائر بالمشهد القصير جدا اللي قامت بيه انتصرت على أشهر تلات مسلسلات في شهر رمضان بمصر هذا العام وقالت لهم
بطلوا أكاذيب، لأن الإسلام أكثر رفقا بالحيوان، فما بالكم بالبشر
القطة انتصرت على مسلسل سره الباتع اللي خالد يوسف بيحاول فيه النيل من الإسلام بأسلوب مبطن أبرزها الجملة الساخرة «وجاء الخليفة ليخلصنا من الرومان
القطة انتصرت على مسلسل حضرة العمدة اللي كتبه ابراهيم عيسى علشان يقول للناس إن الاسلام يقسو على البشر ويقيد حريتهم
القطة انتصرت على مسلسل رسالة الامام، اللي بيقدمولنا الإمام الشافعي في استايل يتناسب معاهم، علشان يقولنا خدوا ده لطيف وكيوت وهنحبه معاكم، مع إن كلامه كله منقول من ضهر التوكتوك
لا أقول الشيخ وليد مهساس هو من انتصر على دراما رمضان، لكنها القطة من انتصرت، فالشيخ وليد مهساس أرقى وأعظم من الدخول في تلك المقارنة..
