اقلام حرةالرئيسية

حكاية أمة / نضال علي الحسين

 

أختي
بتعرفي شو يلي قاهرني…؟؟
_شو حبيبي..؟؟

أختي
أن امنا وابونا…كانوا يضحكوا علينا؛

كانوا لما اضربك او تضربيني او اسرق العلكه منك كانوا يعاقبوني ويحكولنا ان يلي بيضرب اخوه او بيسرق بروح عالنار..؟

_طبعآ بروح النار..!!

أختي
ببلادنا يلي بيسرق وبيقتل بروح على اوروبا وانت بتعرفي مثل ماكنا نشوف بالتلفزيونات اوروبا جنه…
بس بتعرفي شو الشغله يلي بتجنن..؟؟
انه بأوروبا يلي بيسرق او بيقتل بيتعاقب وبيتبهدل حتى لو كان رئيس؛
وشلون اوروبا بتقبل السرسيه والحراميه جماعتنا عندها والله هي مافهمتها؛
_والله مابعرف..؟!

أختي
معقول …لما بروحوا لهناك بتوبوا …
لا والأحسن من هيك في منهم بعد مايسرق البلد ويخرب البلد بروح عالحج وبيستغفر ربه هناك …اختي
بتعرفي انا رح جن….شو يلي عم يصير..؟؟

_لاتنجن ولا على بالك….فكر وين بدنا نام ومنين بدنا نجيب خبز ناكل..؟؟

أختي
بتعرفي لما بتسكر معي بواسي حالي وبقول:
قدرنا خلقنا عرب ….والباقي عندك وهناك حكمه لايعلمها الا الله؛

نضال علي الحسين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

1 × 4 =

إغلاق