اقلام حرةالرئيسية

منشور يدمي القلب /الذكرى الخامسة لاستشهاد محمد ابو خضير رحمه الله / استمع

شاكر سليمان الصانع

ماشي في الشارع الساعة 3:45 الصبح تقريباً طلعت من البيت ورايح على الجامع وأنا ماشي وقفت حدّي سيارة فيها 4 يهود متدينين سألوني عن الطريق لمحل بلشت أدل فيهم ما بعرف شو صار بس حسيت في شي غلط لآنه واحد مسكني من أيدي اليمين و واحد من أيدي الشمال وبلشوا يدفشوا في خلوني أطلع بالسيارة غصب عني مشيت السيارة بسرعة كثير كبيرة وأنا مش عارف شو في !

تفرجت على بيتنا يمكن أشوف أبوي بلكي يساعدني تفرجت بلكي شفت أمي اقلها إني بحبها من سرعة السيارة اختفت كل معالم البلد بطلت عارف انا وين مش عارف لوين رايح ولا شو بستناني ولا قديش مرق وقت مكنتش حاسس بالضرب على وجهي وراسي لآنه ضربات قلبي كانت أقوى وأسرع فجأة وقفت السيارة بمحل فاضي ما فيه حدا !

نزلوني من السيارة بقوة وضربوني على راسي ورموني على التراب اجا واحد منهن دار بنزين بثمي وعلى كل جسمي والثاني رمى علي نار دبّت النار فيي يا ناس يا عالم يا بشر يا أمة يا عرب !

والله هاي نار يلي قاعده توكل جسمي تألمت وصيحت وما حدا سمع صوتي بدي أعيش علشان إمي ما تعيط شوي صغيرة بعدها راح الإحساس بكل إشي ما عدت مجرد إنسان صرت شهيد !

روحوا قولوا لإمي إبنك ما مات إبنك شهيد !

الله يرحم ترابك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق