الشاعر الغنائي كريم حكيم وحلقة خاصة من برنامج قلوب شاعرة تقديم شاعر الأمة محمد ثابت

اليوم في الثامنة من مساء اليوم على المنصة الدنماركية وتحث إشراف د فاطمة أبو واصل إغبارية والمهندس عبد الحفيظ إغبارية نلتقي بالشاعر الغنائي المعروف كريم حكيم وحلقة خاصة من برنامج قلوب شاعرة البرنامج من تقديم وإعداد شاعر الأمة محمد ثابت ٠

كريم حكيم
شاعر غنائي وشاعر عامية
من مواليد ٢٥ أغسطس ١٩٨٨

من أعماله الغنائية
تامر حسني ( أحلى كلام )
لطيفة ( من بلدى – ناس كتير – أمي – أنا المرسى )
هاني شاكر ( بلاد البخت – اليوم جميل)
جنات ( برد الوحدة )
محمد رشاد ( اللى قال )
ميس حمدان ( زلزال في قلبي)

وهناك ديوان تحت الطبع وأعمال غنائية أخرى ستظهر للنور قريبًا مع ( راغب علامة – بشرى – هلا رشدي)

حذاري

حذارِ تبقى بكل شيء داري!
وإن كنت داري، عن العِباد داري!
الجَهل نِعمة، العِلم يجهلها
مش شرط مني الحِكمة تقبلها
يمكن عارفها … وعنّي بتداري!
حاول ما تفهمش اللي مش هيفيد
ده الفِهم لو في بدايته هيسُرَّك
بالوقت لما الفِهم كُتره يزيد
لو كان مُفيد … من بُكرة هيضُرَك !
نُص اللي عِرفوا وفِهموا بزيادة
إرتاحوا بعد سنين ألم .. مظبوط
لكن عزيزي الباقي كالعادة
للآن كمان بين الحياه والموت
فَكر تعيش لكن بدون تفكير
يمكن تلاقي حياتَك إحلوّت
و إعلن وفاة العَقل تبقى بخير
فوّت عشان الفِكر بيموّت !

مابقتش باعد سنين

أنا من ألفين و إتنين
مابقيتش باعِدّ سنين !
مابقيتش أهتم بشكلي
ولا بزعل وأسأل مين
هيحل معايا مشاكلي
و القُفة اللي بودنين
من يومها بشيلها بطولي
و الناس اللي بيشكولي
و الناس اللي بتضحكلي
مابقوش الإتنين فارقين

مابقيتش خلاص بستنى
ف طابور اللي بيستنوا
ولا حتى بقيت بتمنى
للناس اللي بيتمنوا
ولا خير ولا شر ف بالي

مابقيتش بعوز ولا حاجة
و يجوز من فترة بعيدة
ماطلبتش يمكن حاجة
غير حاجة أظن وحيدة
الدنيا تسيبني ف حالي

المفقود

المفقود … ضيّع إحساسَك بالموجود
ده المفروض … تقبل في الدُنيا ب أي عروض !!
بس أنت بقيت … لا بتستطعم ولا بتميّز
أصل أنت صحيت … بجراح واخدة ف قلبك حيّز
فبقيت من جرحك مش قابل كُل المعروض

الڤاترينة ب كُل ما فيها من الأنواع
جوة عيونَك فاضية و كُل مافيها إتباع !
خايف يوم ما تفوق على نوع تختاره عينيك
البيّاع يتأسف و يقول لَك مِتباع !

و الموجود … من بُكرة تشوفه كمان مفقود !!
كريم حكيم
شاعر غنائي

عناية مكتب القاهرة مدير التحرير ومدير مكتب القاهرة شاعر الأمة محمد ثابت