علاء عبد الهادي المتهرب من تنفيذ أحكام قضائية نهائيةطب مش تلتزم إنت الأول بقانون النقابة

المفكر الكبير وزع الرؤيه الاستراتيجيه دي على المترشحين للنقابات الفرعيه، وبيطالبهم بتحقيقها على المدى القريب والبعيد، علشان يحطّوا النقابه في مكانها اللايق…
تعالوا بقى شوفوا بيقولهم يحققوها إزاي، وفي ظل إيه، والالتزام بإيه…
عدّوا معايا:
“واحد” 👈 في ظل قانون النقابه العامه،
“اتنين” 👈 لائحتها التنفيذيه،
“تلاته” 👈 والأعراف والتقاليد النقابيه.
طب مش تلتزم إنت الأول بقانون النقابهلعلاء، ولائحته التنفيذيه، والأعراف والتقاليد النقابيه ، وتبعت للجمعيه العموميه القرارات الطارئه غير العاديه اللي مر عليها ست شهور من غير ما حد يعرف فيها إيه؟
أمال هيشوفوا الرؤيه الاستراتيجيه إزاي، وهما ما يعرفوش المولود التاني جنسه إيه أصلًا؟
إيه اللي اتعدّل، وإيه اللي اتلغى، وإيه اتضاف، وإيه اتوافق عليه ، وإيه اترفض؟
1) فين القانون واللايحه والأعراف والتقاليد النقابيه اللي التزمت بيها من انتخابات فروع بتتعمل قبل النقابه العامه؟
هو الفرع الأول ولا الأصل؟
2) فين القانون واللايحه والأعراف والتقاليد النقابيه اللي التزمت بيها لما فاجأت الجمعيهالعموميه بانتخاب رئيس الفروع بعيد عن انتخابات مجلس الإداره؟
3) فين القانون واللايحهوالأعراف والتقاليد النقابيه اللي التزمت بيها لما عملت مهرجان التحقيق للجميع، لكل صاحب رأي حر من الأساتذه والرموز، علشان معارض لرأيك؟
4) فين القانون واللايحه والأعراف والتقاليد النقابيه اللي التزمت بيها لما اتهمت رمزين من رموز الصحافه والأدب بالكدب والتضليل؟
ومش كده وبس، لأ، ده إنت شتمت وسبقت ورفعت عليهم جنحتين سب وقذف،خسرت واحده، والتانية بإذن الله هتحصلها .
5) فين الالتزام بالقانون؟
وركز على القانون اللي رفضت مرتين تصريح المحكمه، والأمر القضائي بتقديم نتائج التحقيق وقرارات الجمعيه العموميهغير العاديه.
6) فين الالتزام بالقانون اللي قلت إنك من أول المؤسسات اللي بتحترمه، وتجلّه، وتنفذ أحكامه باحترام شديد، من رفضك تنفيذ سبع أحكام قضائيه نهائيه ونافذه وباته؟
هو قانون النقابه ولايحته والأعراف والتقاليد فيهم بند استنزاف فلوس النقاب٧ في قضايا خسرانه، آخرهم القضيتين اللي غرمتك المحكمه عليهم عشرين ألف جنيه؟
دي عينه بسيطه من اللي حصل آخر ست شهور بس، عن التزامك بقانون النقابه ولايحته التنفيذيه والأعراف والتقاليد النقابيه، علشان يعرف الأستاذ المكرّم اللي بتتمناله التوفيق في مسعاه، ويبقى إضافه وسند في تحقيق الرؤيه الاستراتيجيه اللي محدش شايفها أصلًا…
أيها المفضال المكرم المترشح لو غاوي تشوف الرؤيه الاستراتيجيه، يبقى أغرم واشتريلك نضاره من اللي بتشتغل بالأشعه تحت الحمرا، وبالمره اتناول من على الرف قزازه كاشف حبر سري، وهتاخد عليهم كتاب الخواجه موريس لفك الشفرات هديه.
وعلى رأي الزعيم الأباصيري: بتحطوا نفسكم في مواقف بايييييخه!

السيناريست

عماد النشار