الرئيسية
قصيدتان لشاعر الأمة محمد ثابت والشاعرة سلوى العيني بديوان فرسان العامية
شاعر الأمة محمد ثابت
قصيدتان لشاعر الأمة محمد ثابت والشاعرة سلوى العيني بديوان فرسان العامية
——-
تتصوري قصيدة لشاعر الأمة محمد ثابت ٠
—-
تتصوري
تتصوري إني بحبك
وإني بحب القرب منك
وانتِ ولا انتِ هنا
سامعة ومش سامعة
وأما اسألك عن حبنا
بلاقيكى مش واخده ببالك
والاقينى انا طوبة بأساس
كاتم ألم زي الرصاص
والاقيكى واخدانى ببالك
زي تمام زي الأساس
شايل وكاتم من زمن
وأما اتحرق بدموعي
يلعنى الكفن
أرجع وأقول
الحب ليكى بيتولد
كيف الحلول
يا اللي قدرتى تأسري
وتحولي قلبي ملاك
عاشقك وواقع في الشباك
فكى حبالي وارحمي
قلبي الضعيف
ياللي عشانك عقلي انا
أصبح خفيف
تتصوري
—-
قصيدة لشاعر الأمة
محمد ثابت
مؤسس نوادي الأدب بإقليم شمال الصعيد الثقافي
——-
الوضع خطير ٠ قصيدة للشاعرة سلوى العيني ٠
——
ريحتك في الفوطه وف هدومي
وسريري وف غرفة نومي
وأما أجي أخبي تقول قومي
دا الحب بيجي بدون ترتيب
أسمع أنفاسي وشهقتها
وملامحك نايمه بنبضتها
أهرب تناديني رقتها
كدا زي عبير
وحرارة القهوة ف فنجاني
تضحك وتقولي مين الجاني
مين اللي استولي قلب الغير
مين اللي طقوسه بتحير
أهرب تناديني وتحور
تحتل مشاعري وتتغير
من غير تعبير
مين اللي شفايفه محوطاني
تطاردني كأني واحد جاني
وتبرجل روحي وكياني
وبدون تفاصيل
بتمارس سطوتها عليا
وكأني واحده حرامية
محتاجه حبة تغيير
تعويذة ريحة برفانك
عملت لي دماغ من غير تعمير
سحرتني اخترقت أجوائي
قتلتني وخلت عقلي يطير
نكهتها بطعم الإحساس
مشاعرها شبه الألماس
تحتل القلب بدون كلمات
من غير لاخمرة ولاملذات
والوضع خطير
——
بقلم الشاعرة
سلوى العيني
—–
سلسلة كتاب ملتقى الشعراء
كتاب ملتقى الشعراء كتاب دوري يصدر كل ثلاث شهور
رئيس التحرير
شاعر الأمة محمد ثابت
مستشار التحرير
د فاطمة أبو واصل إغبارية
مدير التحرير
شاعرة النجوم
إلهام عفيفي
