اقبل كلام الناس عنى
ع العين والراس
وانسحب وأترك قلمى
وأنسى الكراس
انا كنت فاكر فى كتابتى
بأسعد فى الناس
اهلا وسهلا وسلامى
وبلاه شعر واحساس
سنين عمرنا ضاعت
مابين هجرك وتغريبك
وترجع بالحنين واعد
بغنوة وقمرة على جبينك
ياريت الحب يسامحنا
ويشفى عشقنا جروحنا
ونتقابل على بسمة
وكلمة حب تفرحنا
جناين زهر وياسمينة
وشاطىء بحر يرسينا
وايدى فى ايدك بتحكيلك
وخطوتنا على رملة
ورسمة قلب يجمعنا
ياريت الحلم يتحقق
ولا نحزن ولا نقلق
ونتواعد على فرحة
فى ليلة حب تجمعنا
عز الدين عامر
