نشاطات

بازيليا بالسيبيا

بازيليا بالسيبيا…،,
تاخدوا السيبيا وتكون منظفة وتقصوها قطع قطع وتحطوها تغلي شوية وغيروا المية وخودوا طنجرة صبوا فيها زيت وكتروا شوية واطفوا بالثومة والفلفل المبلبل وحطوا البازيليا السكرية اعطوها تقلاية وقيموها وبعدين حطوا في فنجان امية طماطم حكة وفلفل احمر وحركوهم وصبوهم في الطنجرة وخودوا طنجرة السيبيا صبوها عليها بميتها المهم مش هلبة المية وخلوها تغلي بعد شوية ردوا البازيليا ورقوا عليها النار خلوها تطيب براحتها مع رشة كمون حوت عليه وهذا اختياري لين تطيب وتبدأ تفطح دهان من فوق والبازيليا مهبزة وتبي خبزة باقيت ولازم تكون حارة ناشطة هكي حلاوتها ومدهنة وصحتين .
منقول من صفحة الصديق هيثم قرواش ربي يحفظه ويرعاه ويطول في عمره..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق