يا ليل يا معتم على الخلان ..اغلى الحبايب هاجرو بعز عتماتو…يارب تفتح حدودك يا لبنان تعود للوطن وشم تراباتو..ع باب بيتك في ملك رحمن..بهتف بحبي وحبك للوطن وعتباتو..يا رب تلم الشمل والخلان .ونعود للوطن تنشرع بواباتو
.يارب انا قبل ما موت ارجع لأرضي وعند أحبابي فوت كل البيوت..أهلي يلي من هالدني راحوا ..كانوا أصل وطني وحجارة الياقوت..
حتى أبوي قبل ما يموت
ع شط عكا …وقف يسرد للبحر حكاياتو…
بس،الهجر كسر القلب..والجفن ما جفت دمعاتو…
كان الأمل كبير…ويسجل بإسمو حروف للعودة وبكتباتو…اجى الموت وأخد أبوي…
ما بقي فينا إلا ذكرياتو…
آخ يا وطن شو منخبر هالتاريخ…
عن شعب كتار كتير نكباتو..
ومن جيل لجيل تتوالى ويلاتو
بس كبار يلي رحلو…زرعوا فينا حب الأرض….
وإنو هالوطن أغلى من الذهب ذاتو…
(أغلى من الذهب)
بقلم
الشاعرة فاطمة مباركة
