خواطر

مساكم اجمل مع ماريا ابو واصل ” ام خالد” وتسليط الضوء على قضية اجتماعية

مساكم image صدق .
في السنوات الأخيره صار فسخ الخطبه والطلاق زي السلام عليكم مش مهم .نص الطريق ولا كلها .
بس يا سبحان الله !! ما حدا بجيب الحق على حاله !

العريس واهله بقولوا احنا بطلنا او طلقنا .
والعروس اهلها بحلفوا انهم هم اللي بطلوا .
نفسي افهم ليش الناس بتستحي من الحقيقه !!!!
شو فيها ؟ انتو والا هم وين المشكله ؟ عادي !
بس لليش اللف والدوران ؟ ومش بس هيك .
بصيروا يختلقوا اسباب لا عالبال ولا عالخاطر .
وما بتركب على عقل واحد عاقل .لليش ؟
ما اقل عقولنا!!! بالكم الناس بتنام وبتحلم ؟؟؟
اليوم ما حدا فاضي لحدا .وكل واحد عنده ما يكفيه .بس يا ناس الحلال “الكذب حبله قصير ”
وهاي الشغلات بتخلي الناس بالمستقبل حتى لو انك صادق .مستحيل يصدقوك .فشو عملت ؟؟
هزهزت فيك الثقه .وصغرت بعيون الناس !!!!!
بعدين زينا زي غيرنا !! مهو نص البلد هيك !
يعني انت مش من الشواذ !! انت من العاديين .

هو بالأصل ما حدا دخله بحدا .بس سبحان الله !!!
في اسئله روتينيه عنا بالمجتمع .
1 .واحد بتجوز .بعد اسبوعين بتلاقيهم بسألوك :
كنتكم حامل ؟
2 .واحد بفسخ الخطبه .
شو صار يا ام فلان ؟ وليش ؟ ومين اللي بطل ؟
3 .بعد العرس بيوم .
قديش صحلكم نقوط ؟

انا شخصيا هاي الأسئله بتضايقنيش بالمره .
ومستعده اجاوب بكل ثقه وصدق .لا زياده ولا نقصان .(صح انا مش ملزمه بس بشوفه عادي)

شو يعني ؟هو المجتمع بده يتغير بيوم وليله ؟؟؟

اظهر المزيد

مقالات ذات صلة

إغلاق