(ابو علي جالس في الغرفة وقلقان على ابنه
يدخل علي من الباب يغني مبسوط)
ابو علي: وين كاين ولا تتصرمح قالقنا وجاي تغني معكاش الخبر وانا وامك مش عارفين ننام
علي: وين يعني بدي اروح غير عند صحابي
ابو علي: الساعة وحدة بعد نص ليل ولا
علي: اه شو فيها ما انت كل يوم بتروح بهدا الوقت وما حدا بحاكيك ولا حدا بسالك. وامي المسكينة بتستناك على نار وانت ولا على بالك
ابو علي: انخرس ولا انا ابوك تحكيش معي من هالشكل مفروض تحترم ابوك وامك ولا
علي: ما انت علمتنا هذه اللغة انت هيك بتحكي مع امي وبتسهر كل ليلة برة والابو دايما هو القدوة لولاده وانا عشان بحبك بقلدك يا بابا
ابو علي: صاير وقح والله جيل عاق ما فيه خير
علي: قال فش فينا خير قال ليش مالنا ما انا بعمل بالظبط شو انت بتعمل يا راجل.
ابو علي: فوت انضب بغرفتك ولا اعملك شغلة تنفعك لعنة الله على هيك جيل وسخ
(يدخل علي لغرفته ويقفل ورائه الباب
تدخل ام علي تنادي زوجها)
ام علي: وينك يا ابو علي ماله صوتك طالع؟ صحيتني من النوم
ابو علي: ابنك يا ست خلفتك اسا جاي من سهرته ولسانه ست تشبار وجوابه تحت اباطه بساله وين كاين بقولي انا بسهر متلك يابا بقلدك
ام علي: اه الولد صادق ما هو انت القدوة تبعته هو بعمل اللي انت بتعمله
ابو علي: اتركيني من حكيك اللي بخس النص انا زلمة كبير بس هو المستقبل قدامه لازم يشتغل ويبني حاله بكفي بالمدرسة ما فلح كمان بدو يقضي على حياته لازم يشتغل ويعمر ويتجوز
ام علي: صدقت يا ابو علي تعال فوت نام بلكي يطلع منك اشي يسعدني
ابو علي: فوتي انخمدي اي انت بسنين الخير ما فيك خير
ام علي: انا اللي فييش خير والا انت اللي شبعان شغل براني
ابو علي: فوتي فوتي انخمدي واسكتي
(المشهد الثاني
(تدخل ام علي غرفتها ويدخل ابو علي ورائها)
(ابو علي يجلس على الكرسي يشرب فنجان قهوة يناديه ابو سمير من الخارج)
ابو سمير: هيه يا ابو علي وينك
ابو علي: تفضل جارنا ميت الف اهلا وسهلا منيح اللي اجيت فوت فوت يا هلا يا هلا
ابو سمير: مالك شكلك مش على بعضك؟
ابو علي: والله يا او سمير تعبان وقلقان ومش عارف شو اعمل
ابو سمير: خير ان شالله يا راجل
ابو علي: والله علي تاعبني ومغلبني بسهر برة كتير وبتاخر والله بعلم وين بروح ووين بقعد ومع مين وصاير وقح بتساله سؤال بسأل عشرة يا زلمة ولسانه طول شبرين برفع صوته علي وبدو يربيني ويحط حاله اقبالي
ابو سمير: انت مش عارف انه بعمل متلك ما هني لولاد بقلدو اهلهن وبعملو متلهن الولد بقلد ابوه والبنت بتعمل متل امها. ويمكن يعملو اكتر وبالصدفة تتلاقي ولاد وبنات عاقلين وبحيدو عن الغلط اللي بعملوه الاهل قدامهن. امش عدل بطلعو ولادك متلك ما انت بتضل مكهرب البيت وعامله حرب ليل نهار تصرخ على هالمسكينة ام علي يا بتطلع تسهر برة تدور نسوان
ابو علي: يا زلمة اكتشفت انها ام علي زي الدكر ما فيها ريحة الانوثة شعرها متل السيفة وريحتها دوم بصل وتومي والفستان اللي بتشتغل فيه شغل البيت بتنام فيه
ابو سمير : ليش انت جايبلها اواعي ومش لابسة ولك ضب حالك صرت زلمة كبير وام علي اصيلة دير بالك عليها واسترها جبلها فستان حلو وقميص نوم وقنينة ريحة والزم بيتك بكرة ولادك بضيعو منك وبطلعو من تحت سيطرتك وما بعودو يردو عليك ابدا واليوم كل اشي برة بخوف المخدرات وامراض خطرة بتنتج من الممارسة مع النسوان خاف على حالك وعلى ابنك صارو ولادك شباب بكرة كلهن بعدوش يحترموك طالما انت ماشي بهده الطريق
ابو علي: بس هالنسوان كل وحده اجمل من التاني بخلو العقل يشت من محله والله كل شقفة بتدوخك.
ابو سمير: اعقل واركز انت مش صغير الاهل لمناح اللي بديرو بالهن على ولادهن وبضحوا عشانهن بكتير شغلات وياما بحرمو حالهن عشان يحافظو على ولادهن والمتل بقول اطعم ابنك واكرمه بتعرفش مين بحرمه. شو عملت انت لولادك كل مصرياتك رايحة على الهبل وعلى السكر والعربدة وعلى بنات الحرام الرخاص. ولادك ومرتك اولى بالمصاري أللي بتصرفها على الجربنات. اخجل انت صرت بالخمسينات وبعدك بتتصرف زي شب جاهل ومراهق خاف الله يا زلمة ودير بالك على حالك الزنا حرام والمصاري اللي بيتك محتاجها تحرم على الجامع.
ابو علي: خلص يا ابو سمير دبحتني مش قادر اسمع اكتر من هيك. والله انك صادق صحيتني وكنت غفلان. من اسا وغاد راح اغير كل حياتي واحط عقلي براسي وادير بالي على ولادي وعلى بنت هالحلال المستورة اللي صابرة علي وعلى قرفي راح اجيبلها كل اشي بتحتاجه.
ابو سمير: الله يهديك يالله بخاطرك انا لازم اروح على البيت حط الكلام براسك وما تنساه
(يخرج ابو سمير ويبقى ابو علي وحده تدخل عليه ام علي تقول)
ام علي: شو هالمحادثة الطويلة انت وابو سمير
ابو علي: حديث طويل عريض حديث رجال يا ام علي تعالي نروح انا واياك هالمشوار
ام علي: لوين يا بعدي ملكاش بالعادي توخدني مشاوير قال حملو الكلب زوادة قلهن فش بالعاده
ابو علي: يالله البسي وتعالي معي
ام علي: ليش عندي غيره هالفستان يا حسرة
ابو علي: من اسا وغاد راح اجيبلك اللي بدك اياه يا غالي يا مستورة
(يخرج ابو علي وتخرج ورائه ام علي…)
(المشهد الثالث)
(يدخل علي مع صديقه نادر يحمل بيده كيس فيه زجاجاة البيرة والسجائر وغيره. ينظر يمينا وشمالا ويقول.)
علي: فوت فوت يا نادر شكله فش حدا هون هيك اظبطلنا
نادر : تعال تعال افتح هالكيس وطول هالخيرات اللي فيه
(يفتح علي الكيس يخرج زجاجات البيرة وسجائر للكيف يفتح له ولنادر زجاجتين من البيرة ويأخذان بشربها.
علي: اشرب وكيف العمر يوم ونيف.
نادر: ولعلي سيجارة بشرفك راسي راح يطق
(يحمل علي سيجارة يشعلها ويناولها لنادر ويشعل له سيجارة اخرى)
علي: (ينفث الدخان ويقول:) الله الله شو هدا الاحساس الرائع والشعور الجميل من زمان كان علمني يا معلم على هالنشوة والله نسيت حياتي والمر اللي مدوقني اياه ابوي والقلة
نادر: ما ابوي اطقع من ابوك مورجينا نجوم الظهر وهو عايش على كيفه
علي: متل ابوي ما فيه ولا غراب البين ما هو متله
نادر: منيح اللي لائيتك يا صديقي لولاك كانت حياتي كلها مرار وعذاب وما نساني الا هالسيجارة هذه
علي: منيح اللي لاقينا الحل انا واياك اذا هالسيجارة بتنسينا عمايل هالابيات التعبانين. كل يوم راح ادخن
نادر: ولا يهمك كل يوم راح اجيبلك منه هالطالع جديد.
علي: بس اليوم امي وابوي من غير العادي مش موجودين بالبيت بعرفش وين طالعين بزمانهن ما عملوها. مرت الجاي بنروح على محل تاني ليكعشنا الباشا ابو علي.
(يسمع صوت بالخارج فيصرخ علي)
علي: ضب ضب كنهن اجو (يجمعو زجاجات البيرة يرمو السجائر يدخل ابو علي وام علي وهما سعداء ابو علي يدندن باغنية حبيبي يا حبيبي صبرني على غيابك تعال وجيبلي معك فرحة يسلملي شبابك. (يشعر ابو علي ان علي في البيت فيقول لام علي)
ابو علي: كنو المحروس في البيت
ام علي: يالله منيح هيك منتغذى مع بعض كيف مكان (وحين يدخل ابو علي يصرخ حين يرى اثار الخمرة ورائحة الدخان الغريبة
ابو علي: شو هدا ولا شو هالريحة هده وشو القناني هده، عمتشرب خمرة في البيت؟ اي والله لاقضي عليك يا كلب.
(تلطم ام علي على خدها وتقول)
ام علي: اجت الحزينة تفرح ما لاقت مطرح
(ابو علي يطرد نادر من البيت يقول له)
ابو علي: اوع بعد اشوفك عنا في البيت ولك عمتسكرو انت واياه وبتحششو؟
يحمل العصا ليضرب علي. فيصرخ علي)
علي: كمان جاي تضربني ما انت سبب البلاوي كلها عاملنا في البيت رعب وسامم بدنا بدي افرسخ عن حالي.
(يهرب من امام والده حتى يتلاشى العصا واوجاعها)
(يصرخ ابو علي يقول لعلي)
ابو علي: اطلع من البيت ولا ما بدي اياك في البيت اطلع برة روح على جهنم اللي توخدك
ام علي: لا يا ابو علي بدك تطحيه عشان يضيع ويخرب بيتنا اكتر ما هو خربان؟ ما هو انت السبب انا بدي احكي عاد ومعدتش اسكت انت سبب البلاوي كلها هده اللي عمبتصير بولادنا انت اللي ضيعته من عمايلك وظلمك النا
ابو علي: واذا انا ظلمته بقوم يحشش.
(يوجه كلامه لعلي)
ولك مين علمك على هالبلاوي هده، نادر؟ لعنة الله عليه وعلى اللي خلفوه اي والله لاحك لابوه اخليه يدعس على رقبته ويربيه متل ما انا رايح ادعس على رقبتك واربيك.
علي: من وراء الباب يصرخ.. تتتربى انت اول وتلزم بيتك اللي معيشنا فيه بهم وغم.
ابو علي: ولك سامعه يا ام علي وشايفة اللي انا شايفه
ام علي: شفت شفت يا وعدي على حياتي يا وعدي شو اعمل انا بهمي لكبير. بس هو صادق ومسكين انت السبب يا ابو علي بكل هذا اللي بصير (ترمي له الكيس الموجود فيه الثياب وتقول له)
ام علي: خد انا مش عايزة اواعي ولا قمصان نوم ولا روايح بدي تغير حياتك وتهدي بالنا عشان ابنك ما يضيع يا ابو علي.
ابو علي: من اليوم تحرم عليي الطلعات والنزلات والحريم كمان والخمرة اذا بعد بعملها اعملي شو بدك فيي انا بوعدك يا ام علي اغير كل حياتي وادير بالي على لولاد اعلمهن وارشدهن وافهمهن الحياة وشو الخير والشر اللي فيها.
ام علي: الله يهديك ويهديه من زمان كان لازم تعملها هالشغله.
(المشهد الثالث)
يجلس ابو علي وحده مهموم يطرق الباب
ابو علي: مين تفضل
(يدخل عليه ابو سمير)
ابو سمير: يعطيك العافي ابو علي مالك حامل الدنيا كلها على راسك يا زلمه هونها بتهون
ابو علي: والله علي مجنني يا ابو سمير ومش عارف شو اعمل معه بدو يضيع من بين ادي.
اليوم رحنا انا وام علي اشتريتلها اواعي وحاجات للبيت متل ما وعدتك. لما روحنا لائينا علي وصاحبه عمبسكروا بالبيت وبحششوا. طار عقلي من راسي كنت بدي اكسره والله واطحيه من البيت بس ام علي ما خلتني. وهياها ام علي نايمة ضغطها عالي راحت تروح من اللي شافته منه
ابو سمير: سلامتها ام لعيال قوم ناديلي اياه بدي احكي شوي. هدا بعده صغير وبتصرف عن جهل الحسرة على لكبار الشايبين العايبين ما هو التلم الاعوج من الثور لكبير
ابو علي: والله صدقت انا بعترف بغلطي
ابو سمير: وينه علي جيبه تني اشوفه بلكي يطلع بايدنا نصلح طريقه ونحميه قبل ما يتورط باشي اكبر
ابو علي: هياه بغرفته مش مسترجي يطلع منها لاضربه.
ابو سمير: قوم ناديه بدي اقعد معاه اتخرف شوي وان شالله الله بهديه على ادي.
ابو علي: حاضر ولا يهمك بس بناديلك اياه وبطلع لانه اذا شفته بدي اخلعه قتله اطير الشرر من عنيه
(ابو علي ينادي على علي يقول له جارنا عايزك عشان يتشجع ويخرج من غرفته ويقول
علي: اهلا جارنا كيفك
ابو سمير: الحمد لله كيفك يا علي ان شالله بخير.
علي انا بالف خير الحمد لله عموه
ابو سمير: اقعد جنبي واسمعني يا علي الحياة قصيرة جدا. ولازم نعيشها محترمين ونحافظ على حالنا وعلى كرامتنا وعلى مستقبلنا وانت الدنيا قدامك بلاش تضيع حياتك. حاكولي امك وابوك على تصرفاتك وانا تفاجئت ما كانش املي اشوفك هيك. بدال ما ترحم امك وتوقف معها وتساعدها وتفرحها وتبني مستقبلك وتجازيها على صبرها بالخير وتسعدها.
علي: هو ابوي مهدي بالنا نعمل اشي اي قرفني حياتي كل الليل سكر وعربدي وبروح بعد نص الليل يقاتل فينا ويبهدلنا قدام الناس والجيران خلانا مسخرة وحارمنا من كل اشي وكانه الحياة اله لحاله
ابو سمير: ابوك تغيرت كل حياته عشانك لانه خايف عليك صحيح هو غلط بس جل من لا يخطئ وهذا بضل ابوك ولازم تحترمه وراح يعمل المستحيل عشان يدير باله عليك. من اليوم وطالع شو بصير معك انت بس احكيلي وشوف شو اللي رايح يصير فيه. بلش شغل معي من بكره وكون جدع تتمصوعش وضب مصرياتك وبلش بالعمار كمان سنة او سنتين بدك تتجوز وتبني بيت وخلي راسك شامخ عشان امك تتباهى فيك.
علي: الله يخليك جارنا والله ما بصير الا على خاطرك
ابو سمير: والله يا علي بوعدك اني اساعدك واوقف جنبك مهما كلفني الامر.
(تدخل ام علي تحمل غلاية القهوة ويدخل معها ابو علي.)
ابو علي: مبسوط باللي عملته امك راحت تروح فيها
ام علي: مش مهم فداه بس بدنا اياه سليم ويدير باله على حاله هذا كل اللي بدنا اياه
ابو سمير: هذا علي عرف غلطه وما عاد يعيدها ومن بكره بدو يبلش شغل معي هيك وعدني
(ينهض علي يقبل يد والده ووالدته ويطلب منهم السماح ويقول)
علي بوعدكوا اني من اليوم راح ابلش حياة جديد وما عدت اعيدها ابدا.
ابو علي وام علي معا: الله يهديك يا ولدي
ابو علي: انا بوعدك كمان اتغير واغير كل تصرفاتي عشان عيونك يابا
ينهض ابو علي وام علي يضمو ولدهم علي
ابو سمير: الله يهدي بالكو يالله بخاطركو تنساش يا علي بكره بتكون عندي من الساعة ستة يمسح عينيه متاثرا ويخرج
انتهت 20-1-017مشهد من الحياة
(المشهد الاول)
(ابو علي جالس في الغرفة وقلقان على ابنه
يدخل علي من الباب يغني مبسوط)
ابو علي: وين كاين ولا تتصرمح قالقنا وجاي تغني معكاش الخبر وانا وامك مش عارفين ننام
علي: وين يعني بدي اروح غير عند صحابي
ابو علي: الساعة وحدة بعد نص ليل ولا
علي: اه شو فيها ما انت كل يوم بتروح بهدا الوقت وما حدا بحاكيك ولا حدا بسالك. وامي المسكينة بتستناك على نار وانت ولا على بالك
ابو علي: انخرس ولا انا ابوك تحكيش معي من هالشكل مفروض تحترم ابوك وامك ولا
علي: ما انت علمتنا هذه اللغة انت هيك بتحكي مع امي وبتسهر كل ليلة برة والابو دايما هو القدوة لولاده وانا عشان بحبك بقلدك يا بابا
ابو علي: صاير وقح والله جيل عاق ما فيه خير
علي: قال فش فينا خير قال ليش مالنا ما انا بعمل بالظبط شو انت بتعمل يا راجل.
ابو علي: فوت انضب بغرفتك ولا اعملك شغلة تنفعك لعنة الله على هيك جيل وسخ
(يدخل علي لغرفته ويقفل ورائه الباب
تدخل ام علي تنادي زوجها)
ام علي: وينك يا ابو علي ماله صوتك طالع؟ صحيتني من النوم
ابو علي: ابنك يا ست خلفتك اسا جاي من سهرته ولسانه ست تشبار وجوابه تحت اباطه بساله وين كاين بقولي انا بسهر متلك يابا بقلدك
ام علي: اه الولد صادق ما هو انت القدوة تبعته هو بعمل اللي انت بتعمله
ابو علي: اتركيني من حكيك اللي بخس النص انا زلمة كبير بس هو المستقبل قدامه لازم يشتغل ويبني حاله بكفي بالمدرسة ما فلح كمان بدو يقضي على حياته لازم يشتغل ويعمر ويتجوز
ام علي: صدقت يا ابو علي تعال فوت نام بلكي يطلع منك اشي يسعدني
ابو علي: فوتي انخمدي اي انت بسنين الخير ما فيك خير
ام علي: انا اللي فييش خير والا انت اللي شبعان شغل براني
ابو علي: فوتي فوتي انخمدي واسكتي
(المشهد الثاني
(تدخل ام علي غرفتها ويدخل ابو علي ورائها)
(ابو علي يجلس على الكرسي يشرب فنجان قهوة يناديه ابو سمير من الخارج)
ابو سمير: هيه يا ابو علي وينك
ابو علي: تفضل جارنا ميت الف اهلا وسهلا منيح اللي اجيت فوت فوت يا هلا يا هلا
ابو سمير: مالك شكلك مش على بعضك؟
ابو علي: والله يا او سمير تعبان وقلقان ومش عارف شو اعمل
ابو سمير: خير ان شالله يا راجل
ابو علي: والله علي تاعبني ومغلبني بسهر برة كتير وبتاخر والله بعلم وين بروح ووين بقعد ومع مين وصاير وقح بتساله سؤال بسأل عشرة يا زلمة ولسانه طول شبرين برفع صوته علي وبدو يربيني ويحط حاله اقبالي
ابو سمير: انت مش عارف انه بعمل متلك ما هني لولاد بقلدو اهلهن وبعملو متلهن الولد بقلد ابوه والبنت بتعمل متل امها. ويمكن يعملو اكتر وبالصدفة تتلاقي ولاد وبنات عاقلين وبحيدو عن الغلط اللي بعملوه الاهل قدامهن. امش عدل بطلعو ولادك متلك ما انت بتضل مكهرب البيت وعامله حرب ليل نهار تصرخ على هالمسكينة ام علي يا بتطلع تسهر برة تدور نسوان
ابو علي: يا زلمة اكتشفت انها ام علي زي الدكر ما فيها ريحة الانوثة شعرها متل السيفة وريحتها دوم بصل وتومي والفستان اللي بتشتغل فيه شغل البيت بتنام فيه
ابو سمير : ليش انت جايبلها اواعي ومش لابسة ولك ضب حالك صرت زلمة كبير وام علي اصيلة دير بالك عليها واسترها جبلها فستان حلو وقميص نوم وقنينة ريحة والزم بيتك بكرة ولادك بضيعو منك وبطلعو من تحت سيطرتك وما بعودو يردو عليك ابدا واليوم كل اشي برة بخوف المخدرات وامراض خطرة بتنتج من الممارسة مع النسوان خاف على حالك وعلى ابنك صارو ولادك شباب بكرة كلهن بعدوش يحترموك طالما انت ماشي بهده الطريق
ابو علي: بس هالنسوان كل وحده اجمل من التاني بخلو العقل يشت من محله والله كل شقفة بتدوخك.
ابو سمير: اعقل واركز انت مش صغير الاهل لمناح اللي بديرو بالهن على ولادهن وبضحوا عشانهن بكتير شغلات وياما بحرمو حالهن عشان يحافظو على ولادهن والمتل بقول اطعم ابنك واكرمه بتعرفش مين بحرمه. شو عملت انت لولادك كل مصرياتك رايحة على الهبل وعلى السكر والعربدة وعلى بنات الحرام الرخاص. ولادك ومرتك اولى بالمصاري أللي بتصرفها على الجربنات. اخجل انت صرت بالخمسينات وبعدك بتتصرف زي شب جاهل ومراهق خاف الله يا زلمة ودير بالك على حالك الزنا حرام والمصاري اللي بيتك محتاجها تحرم على الجامع.
ابو علي: خلص يا ابو سمير دبحتني مش قادر اسمع اكتر من هيك. والله انك صادق صحيتني وكنت غفلان. من اسا وغاد راح اغير كل حياتي واحط عقلي براسي وادير بالي على ولادي وعلى بنت هالحلال المستورة اللي صابرة علي وعلى قرفي راح اجيبلها كل اشي بتحتاجه.
ابو سمير: الله يهديك يالله بخاطرك انا لازم اروح على البيت حط الكلام براسك وما تنساه
(يخرج ابو سمير ويبقى ابو علي وحده تدخل عليه ام علي تقول)
ام علي: شو هالمحادثة الطويلة انت وابو سمير
ابو علي: حديث طويل عريض حديث رجال يا ام علي تعالي نروح انا واياك هالمشوار
ام علي: لوين يا بعدي ملكاش بالعادي توخدني مشاوير قال حملو الكلب زوادة قلهن فش بالعاده
ابو علي: يالله البسي وتعالي معي
ام علي: ليش عندي غيره هالفستان يا حسرة
ابو علي: من اسا وغاد راح اجيبلك اللي بدك اياه يا غالي يا مستورة
(يخرج ابو علي وتخرج ورائه ام علي…)
(المشهد الثالث)
(يدخل علي مع صديقه نادر يحمل بيده كيس فيه زجاجاة البيرة والسجائر وغيره. ينظر يمينا وشمالا ويقول.)
علي: فوت فوت يا نادر شكله فش حدا هون هيك اظبطلنا
نادر : تعال تعال افتح هالكيس وطول هالخيرات اللي فيه
(يفتح علي الكيس يخرج زجاجات البيرة وسجائر للكيف يفتح له ولنادر زجاجتين من البيرة ويأخذان بشربها.
علي: اشرب وكيف العمر يوم ونيف.
نادر: ولعلي سيجارة بشرفك راسي راح يطق
(يحمل علي سيجارة يشعلها ويناولها لنادر ويشعل له سيجارة اخرى)
علي: (ينفث الدخان ويقول:) الله الله شو هدا الاحساس الرائع والشعور الجميل من زمان كان علمني يا معلم على هالنشوة والله نسيت حياتي والمر اللي مدوقني اياه ابوي والقلة
نادر: ما ابوي اطقع من ابوك مورجينا نجوم الظهر وهو عايش على كيفه
علي: متل ابوي ما فيه ولا غراب البين ما هو متله
نادر: منيح اللي لائيتك يا صديقي لولاك كانت حياتي كلها مرار وعذاب وما نساني الا هالسيجارة هذه
علي: منيح اللي لاقينا الحل انا واياك اذا هالسيجارة بتنسينا عمايل هالابيات التعبانين. كل يوم راح ادخن
نادر: ولا يهمك كل يوم راح اجيبلك منه هالطالع جديد.
علي: بس اليوم امي وابوي من غير العادي مش موجودين بالبيت بعرفش وين طالعين بزمانهن ما عملوها. مرت الجاي بنروح على محل تاني ليكعشنا الباشا ابو علي.
(يسمع صوت بالخارج فيصرخ علي)
علي: ضب ضب كنهن اجو (يجمعو زجاجات البيرة يرمو السجائر يدخل ابو علي وام علي وهما سعداء ابو علي يدندن باغنية حبيبي يا حبيبي صبرني على غيابك تعال وجيبلي معك فرحة يسلملي شبابك. (يشعر ابو علي ان علي في البيت فيقول لام علي)
ابو علي: كنو المحروس في البيت
ام علي: يالله منيح هيك منتغذى مع بعض كيف مكان (وحين يدخل ابو علي يصرخ حين يرى اثار الخمرة ورائحة الدخان الغريبة
ابو علي: شو هدا ولا شو هالريحة هده وشو القناني هده، عمتشرب خمرة في البيت؟ اي والله لاقضي عليك يا كلب.
(تلطم ام علي على خدها وتقول)
ام علي: اجت الحزينة تفرح ما لاقت مطرح
(ابو علي يطرد نادر من البيت يقول له)
ابو علي: اوع بعد اشوفك عنا في البيت ولك عمتسكرو انت واياه وبتحششو؟
يحمل العصا ليضرب علي. فيصرخ علي)
علي: كمان جاي تضربني ما انت سبب البلاوي كلها عاملنا في البيت رعب وسامم بدنا بدي افرسخ عن حالي.
(يهرب من امام والده حتى يتلاشى العصا واوجاعها)
(يصرخ ابو علي يقول لعلي)
ابو علي: اطلع من البيت ولا ما بدي اياك في البيت اطلع برة روح على جهنم اللي توخدك
ام علي: لا يا ابو علي بدك تطحيه عشان يضيع ويخرب بيتنا اكتر ما هو خربان؟ ما هو انت السبب انا بدي احكي عاد ومعدتش اسكت انت سبب البلاوي كلها هده اللي عمبتصير بولادنا انت اللي ضيعته من عمايلك وظلمك النا
ابو علي: واذا انا ظلمته بقوم يحشش.
(يوجه كلامه لعلي)
ولك مين علمك على هالبلاوي هده، نادر؟ لعنة الله عليه وعلى اللي خلفوه اي والله لاحك لابوه اخليه يدعس على رقبته ويربيه متل ما انا رايح ادعس على رقبتك واربيك.
علي: من وراء الباب يصرخ.. تتتربى انت اول وتلزم بيتك اللي معيشنا فيه بهم وغم.
ابو علي: ولك سامعه يا ام علي وشايفة اللي انا شايفه
ام علي: شفت شفت يا وعدي على حياتي يا وعدي شو اعمل انا بهمي لكبير. بس هو صادق ومسكين انت السبب يا ابو علي بكل هذا اللي بصير (ترمي له الكيس الموجود فيه الثياب وتقول له)
ام علي: خد انا مش عايزة اواعي ولا قمصان نوم ولا روايح بدي تغير حياتك وتهدي بالنا عشان ابنك ما يضيع يا ابو علي.
ابو علي: من اليوم تحرم عليي الطلعات والنزلات والحريم كمان والخمرة اذا بعد بعملها اعملي شو بدك فيي انا بوعدك يا ام علي اغير كل حياتي وادير بالي على لولاد اعلمهن وارشدهن وافهمهن الحياة وشو الخير والشر اللي فيها.
ام علي: الله يهديك ويهديه من زمان كان لازم تعملها هالشغله.
(المشهد الثالث)
يجلس ابو علي وحده مهموم يطرق الباب
ابو علي: مين تفضل
(يدخل عليه ابو سمير)
ابو سمير: يعطيك العافي ابو علي مالك حامل الدنيا كلها على راسك يا زلمه هونها بتهون
ابو علي: والله علي مجنني يا ابو سمير ومش عارف شو اعمل معه بدو يضيع من بين ادي.
اليوم رحنا انا وام علي اشتريتلها اواعي وحاجات للبيت متل ما وعدتك. لما روحنا لائينا علي وصاحبه عمبسكروا بالبيت وبحششوا. طار عقلي من راسي كنت بدي اكسره والله واطحيه من البيت بس ام علي ما خلتني. وهياها ام علي نايمة ضغطها عالي راحت تروح من اللي شافته منه
ابو سمير: سلامتها ام لعيال قوم ناديلي اياه بدي احكي شوي. هدا بعده صغير وبتصرف عن جهل الحسرة على لكبار الشايبين العايبين ما هو التلم الاعوج من الثور لكبير
ابو علي: والله صدقت انا بعترف بغلطي
ابو سمير: وينه علي جيبه تني اشوفه بلكي يطلع بايدنا نصلح طريقه ونحميه قبل ما يتورط باشي اكبر
ابو علي: هياه بغرفته مش مسترجي يطلع منها لاضربه.
ابو سمير: قوم ناديه بدي اقعد معاه اتخرف شوي وان شالله الله بهديه على ادي.
ابو علي: حاضر ولا يهمك بس بناديلك اياه وبطلع لانه اذا شفته بدي اخلعه قتله اطير الشرر من عنيه
(ابو علي ينادي على علي يقول له جارنا عايزك عشان يتشجع ويخرج من غرفته ويقول
علي: اهلا جارنا كيفك
ابو سمير: الحمد لله كيفك يا علي ان شالله بخير.
علي انا بالف خير الحمد لله عموه
ابو سمير: اقعد جنبي واسمعني يا علي الحياة قصيرة جدا. ولازم نعيشها محترمين ونحافظ على حالنا وعلى كرامتنا وعلى مستقبلنا وانت الدنيا قدامك بلاش تضيع حياتك. حاكولي امك وابوك على تصرفاتك وانا تفاجئت ما كانش املي اشوفك هيك. بدال ما ترحم امك وتوقف معها وتساعدها وتفرحها وتبني مستقبلك وتجازيها على صبرها بالخير وتسعدها.
علي: هو ابوي مهدي بالنا نعمل اشي اي قرفني حياتي كل الليل سكر وعربدي وبروح بعد نص الليل يقاتل فينا ويبهدلنا قدام الناس والجيران خلانا مسخرة وحارمنا من كل اشي وكانه الحياة اله لحاله
ابو سمير: ابوك تغيرت كل حياته عشانك لانه خايف عليك صحيح هو غلط بس جل من لا يخطئ وهذا بضل ابوك ولازم تحترمه وراح يعمل المستحيل عشان يدير باله عليك. من اليوم وطالع شو بصير معك انت بس احكيلي وشوف شو اللي رايح يصير فيه. بلش شغل معي من بكره وكون جدع تتمصوعش وضب مصرياتك وبلش بالعمار كمان سنة او سنتين بدك تتجوز وتبني بيت وخلي راسك شامخ عشان امك تتباهى فيك.
علي: الله يخليك جارنا والله ما بصير الا على خاطرك
ابو سمير: والله يا علي بوعدك اني اساعدك واوقف جنبك مهما كلفني الامر.
(تدخل ام علي تحمل غلاية القهوة ويدخل معها ابو علي.)
ابو علي: مبسوط باللي عملته امك راحت تروح فيها
ام علي: مش مهم فداه بس بدنا اياه سليم ويدير باله على حاله هذا كل اللي بدنا اياه
ابو سمير: هذا علي عرف غلطه وما عاد يعيدها ومن بكره بدو يبلش شغل معي هيك وعدني
(ينهض علي يقبل يد والده ووالدته ويطلب منهم السماح ويقول)
علي بوعدكوا اني من اليوم راح ابلش حياة جديد وما عدت اعيدها ابدا.
ابو علي وام علي معا: الله يهديك يا ولدي
ابو علي: انا بوعدك كمان اتغير واغير كل تصرفاتي عشان عيونك يابا
ينهض ابو علي وام علي يضمو ولدهم علي
ابو سمير: الله يهدي بالكو يالله بخاطركو تنساش يا علي بكره بتكون عندي من الساعة ستة يمسح عينيه متاثرا ويخرج
انتهت 20-1-017
