أصعب سيدة ممكن تتعامل معاها فى حياتك هى اللى مايفرقش معاها الفلوس ، عيناها شبعانة وبنت أصول اللى مش هتعرف تبهرها بهدايا و لا فارق معاها عربيتك و لا لبسك و ماركة ساعتك لأن المهم عندها هو أنت فى المقام الأول ، و اللى مش هتعرف تعاقبها لما تحرمها من ماديات و لا هتعرف تصالحها و ترضيها بالغالى ! كل اللي هيشغلها منك معاملتك و تقديرك لها،

أصعب سيدة ممكن تتعامل معاها فى حياتك هى اللى مايفرقش معاها الفلوس ، عيناها شبعانة وبنت أصول
اللى مش هتعرف تبهرها بهدايا و لا فارق معاها عربيتك و لا لبسك و ماركة ساعتك لأن المهم عندها هو أنت فى المقام الأول ، و اللى مش هتعرف تعاقبها لما تحرمها من ماديات و لا هتعرف تصالحها و ترضيها بالغالى !
كل اللي هيشغلها منك معاملتك و تقديرك لها، وقت الشده لقيتك و لا دورت عليك ، فضلتها على الناس ولا فضلت عليها حد ، أشتريت خاطرها و لا كسرته
و لما أحتاجتلك كنت فين ؟ معاها و لا بعيد ، فى حزنها أحتويتها و لا سيبتها تعدى أزمتها من غيرك ؟!
ديه الحاجات اللى بتفرق معاها و كل أحتياجاتها عاطفية و معنويه و بتقدر تحسها و تستشف أن كانت مشاعرك حقيقه و لا لاء ؟!
الست ديه ملهاش ماركة و ملهاش دراع يتلوى ، زعلها سهل و رضاها أسهل وتديك عينها وتملك قلبها وتبقى كل حياتها ،
بتزعل لما ظنها يخيب فيك و بتسيبك تكمل و تديك فرصة تبنى سور ورا سور بينكم
و مع كل موقف بتبعد نفسيا عنك
و فجأءة تلاقى نفسك مع حد ماتعرفهوش !
هى ماتغيرتش هى بس مبقتش محتاجالك و فجأة و من غير مقدمات و لا تبريرات بتختفى و بلا رجعة مهما حصل لأن رصيد غلاوتك عندها خلص !.
#حافظوا_على_الناس_اللى_بيحبوكم ❤️👌