قصيدة كنت فين للشاعرة آمال بكير

كنت فين
كنت فين وأنا محتاجلك…
لما قلبي كتير ندالك …
دلوقتي جاي بتقول بحبك …
فاكرني لسه مشتاقلك …
جاي بتقول مشتاق لعينيا…
راجع تاني تفكر فيا …
قلبي خلاص بقى كله أسية …
صعب يحن وينسى عذابك …
كنت فين وأنا محتاجلك
كنت الهمسة وكنت الفكرة …
كنت بعيش علشانك بكره …
ليه تخليني اعيش ع الذكرى …
وترجع لو جيت يوم على بالك …
منا ياما اشتاقت وياما ناديت …
وجيت على نفسي واترجيت …
وقلت حتيجي لحضني قوام …
بلهفة وشوق والاقيك حنيت …
ياما رضيت على قلبي  عذابه …
وقلت حيجي ف يوم وتقدر …
ياما جوارحي ف حبك دابو …
وانت ناسيني ولا بتفكر …
بعد دا كله عايزني أسامحك …
وانسى خداعك ليا وجرحك …
قلبي مستحيل حيسامحك …
والا ف يوم يرجع يصفالك …
كنت فين وأنا محتاجلك…
لما قلبي كتير ندالك…
دلوقتي جاي بتقول بحبك…
فاكرني لسه مشتاقلك

قصيدة للشاعرة آمال بكير

بنت إسكندرية

عناية مكتب القاهرة مدير التحرير ومدير مكتب القاهرة شاعر الأمة محمد ثابت