عرس 1980: العرس في البيت
4 شيكل بلالين 10شيكل ورد بلاستيك في المزهريات
طاولة اللوج شحدة من دار أبو السعيد وهاي الطاولة جوّزت نص بنات وشباب الحارة
سجادة خلفية اللوج على الحيط عليها صوره حسب الديكور
كرسي صمدة “نص فاخر” عدد 2 للعروسين مع كاسة عصير الزهراء يشربوا منها العريس وعروسه
طبلة فخار من عند أم فخري
بكيت محارم بشيكل ونص
مروحه ملعون عرضها بطلع هوى سخن
أكم حبة شوكولاته ام النص شيكل وجلن شراب الزهراء ب15 شيكل لكل المعازيم
مكياج العروس عند فايزة بالدار يعني معدل 50 شيكل مع رطل مكياج
وحالياً العروس صارت جدة وكل أولادها دكاترة
عرس 2021 :
– العرس في قاعة تكلفتها 8000 شيكل بدون دي جي وكولا وكيك
تصوير فيديو 5000
صالون نانا 7500 مع المرافقات اختها و عمتها وخالتها
ورد وتزيين 7000 شيكل
فرقة زفة 3000 شيكل
أجرة #سلاح للتصوير 2750 شيكل
مغني يغني دحية 9000
ملابس لأمها وخالتها وأجرة فستان الزفاف آجاره 6000
غداء بكلف 25000 الف شيكل وعشاء بكلف 20000
لبسه لعمة العروس اللي جايه زيارة من عمان 1500
رحلة على أنطاليا 13000
وحاليا العروس مطلقة ملطوعة عباب المحكمة الشرعية مشان الحضانة والنفقة، والزوج محبوس على ديون العرس ..
