يَا امُّ الْكَلَامْ
أَنَا شَاعِرْ
وَانَا مِنِّكْ أَنَا لِيكِي
وِشِعْرِي مِنْ صَدَى بُوحِي
يِهِزِّ جْبَالْ
أَرَاضِيكِي
وِحِسِّي
يَا عَدِيمة الشُّوفْ
أَنَا خَارِجْ
عَنِ الْمَأْلُوفْ
قَانُونِكْ تِعُشَقِي الْخَايْنِين
وَانَا رَاسْمِكْ عَلَى جْبِينِي
هِلَالْ رَمَضَانْ
وِلِيلةْ عِيدِكْ الْأَضْحَى
أَنَا مُشْ سَعِيد
لَمَّا تِرْفَعِي الْقَحْبَةْ
لَمَّا تِرْفَعِي التَّافْهِين
وِتِنْسِينِي
وَانَا الْأَوَّلْ
عَلَى النَّاجْحِينْ
بِدَرَجِة شَاعِر الْأُمَّةْ
وِهَسْتَنَّى
لِأَخْرِ الْعُمْرْ
وِانْ عَدَّى
وَلَا ضَمَّةْ
تُوَاسِينِي
كِفَايَة تِشْرَبِي دَمِّي
كِفَايَة الْهَم فِي هَمِّي
كِفَايَة تِطَلَّعِي دِينِي
——————————
محمد ثابت
مؤسس شعبة شعر الفصحى باتحاد كتاب مصر
