……………………..شعر محكي
يتيم .. الله يطول عمر أمي وبيي
وحيد بين سبعة … ستة مع خية
غريب ع دروب الطفولة
وذكريات بعاد بتلوح بين عينية
.
.
وياعينية
يللي بتشتهي الدمعات
الدمع مابيخمد الجمرات
الخيال عم يرسم حكايات
بيهرب للحلم ساعات
مسافرين بهالعمر شبه زهرات
تناطح عنين الريح بهالساحات
نقطف حكي ونزرع ع كتف الصخر
نحصد بكي ونبقى بهالدنيي زهر
غني …. اضحكي …. قومي …. اشبكي؟
مبارح كان مولدنا واليوم خاتمة المطاف .
وبكرا بنركض ع كتف النهر
برتمي فوق المرج وبعانقك متل السحر
عايش جمرات وتلج
كل يوم خطوة للقدر
كل يوم بتزيد ع كتف الخطايا هموم
كل يوم بحلم ريت الحلم بيدوم
كل يوم بصرخ والصدى مكتوم
جوا القلب ……..!
عندي أنين …..!
عندي للحزن …… تلوين
بس الشكاوي لمين
يا……….(((( كتف الحنين ))))
…………. بقلمي
