لن أفسد فرحه من انتظر نجاح المُشتركه فأقول الف مبروك للمُشتركه حصلنا على حُريتنا من هذا المُستعمر

لن أفسد فرحه من انتظر نجاح المُشتركه فأقول الف مبروك للمُشتركه حصلنا على حُريتنا من هذا المُستعمر ،،، بس انا بفضل نتنياهو على غانتس لانو رئيس حكومه بحكيلك بوجهك انو بكرهنا وافضل من الجنرال غانتس اللي رايح يقتل اولادنا بغزه بس رايح يسمح بالأذان اللي هو بالأصل حقنا الطبيعي ،،
اولادي وأصحابهم مدمنين على التيلفونات والاكس بوكس وما بحترموا الاستاذ وبسألهم معاني كلمات بالعربي وما بعرفوا والحُفر بالشوارع كثيره ، وبالمغار الزبالة ع الشوارع ١٥ يوم وبالجامع بنتقاتل على الاماكن وبالميراث بنظلم غيرنا وللبنت اللي بتشتغل وظيفه كامله بنعطيها ٣٠٠٠ شيكل ،، بالصفوف في اكتظاظ ، التصويت عنا ليس لكفائه الشخص انما لكُبر ابناء عيلته ،، اذا بتعطي في اي بلد مُلاحظه عن رئيس البلديه او رئيس المجلس بنتذبّح ،، بيوتنا ما فيها كتب ،، كلنا بنعاني من السُكري وضغط الدم والسمنه الزايده ،، قرانا تفتقر للمنتزهات ،، شاب بسوق سياره وبوقف بعرض الشارع يحكي مع صاحبه وبتخاف تعطيه مُلاحظه ،، لانو المُسدس جاهز ،، السوق السوداء منتشره ،، بمستشفى فولفسون وين بشتغل من بين ٨٠ وظيفه إداريه انا الوحيد الذي اعمل كرئيس قسم ،، بالعيد لحمتنا ومُخلفات البناء بنرميها اخر البلد ومش بمكانها الصحيح ،،هناك الاف الناس ما بحكوا مع اخوتهم ،، جيرانهم ،، امهاتهم ،، كمان شوي بنودي أهالينا ع بيت العجزه ،، اللي الو واسطه بلجنه البناء بوخذ رخصه لبناء بيت قسم منو داخل بالشارع ،، واليوم صباحاً قتل شاب من جسر الزرقاء اثر إطلاق نار من مُسدس طبعاً الشرطه بتوصل بعد ساعه وبتقرر انو المجرم مجهول الهويه ،،،وبعد فتره بسيطه بصير عادي عنا الشاب يلبس مثل البنت والبنت تترجل ،، اللواط والسحاقيات ، خيانات زوجيه وشراء بيوت بنابلس او برام الله والواحد بتزوّج على زوجته بغير علمها
(زواج متعه او زواج مِسْيار)،، اعضاء الكنيست تجادلوا مين يكون بالمحل الاول
والأحزاب العربيه بتكره بعض ،،
وما حدا بحترم رأي الاخر واذا انتي ما بتصوّت يعني انتي خائن ،،
الانتخابات وَهُمْ ولا تهتم الدوله حتى لو أصبحنا ٢٠ عضو من بين ١٢٠ عضو ،،
الدوله عامله حسابها لكل حدث ،،
الحل مع الأقليات انك تقول رايك ولو على قطع راسك وان تقاتل دون ان تخاف بان تخسر روحك او تخسر وظيفتك ،، القصه قصه تضحيه ،، الحل مع الأقليات انو نحل مشاكلنا الداخليه دون اللجوء الى الدوله حتى تشتد سواعدنا وبعدها بحلها الف حلاّل ،،، بعد خمس سنوات من اليوم اذا اوضاعنا لم تتغيير وبنظري لن تتغيّر سنعلم بانه لا اهميه لعدد أعضاء الكنيست اللي معاشهم يتعدى ال ٣٠ الف شيكل ،،
نحن موجودين بمتاهه لا ابواب لها ،، والأفضل كما في مصر نص سكانها عايشين ع الحشيشة افضل من ان ترى الحقيقه ،،
الإدلاء بصوتي ليس واجب وطني ،، انما الافضل ان لا يكون لنا اي عضو بالكنيست ليعلم العالم بأسره باننا لا نرضى ان نكون جزء من هذه المهزله التي يتم فيها اغتصابنا يومياً وتتم أسرلتنا في وضح النهار ،،،،